当前位置:主页 > 球吧话题 >
美斯谦:为征服球迷美斯誓入玻
采集侠       发表于:2015-09-25 14:452

两支啱啱喺6月踢完美洲国家盃嘅球队,阿根廷同玻利维亚将会喺周六早上喺美国「拍跳」,为嚟紧嘅世界盃南美洲区外围赛做准备。早前一度考虑暂时退出国家队嘅美斯,今仗仍然喺大军名单,相信佢会继续出战,以表现征服质疑佢嘅球迷。至于玻利维亚一离开高原主场,表现就会大打折扣,今仗喺美国出战相信唔係咁易踢,随时畀阿根廷大炒,阿谦推介让球主胜同大盘。

(周六早上8时30分开赛)

阿根廷要挽失盃士气

世界盃南美洲区外围赛将会喺下个月开打,唔少南美球队都趁住呢个国际赛空档搵其他球队「拍跳」,希望提升状态迎接嚟紧嘅世界盃外围赛大战。阿根廷失意美洲国家盃后,国内球迷将矛头指向队长兼王牌嘅美斯,令呢位新球王备受压力,更一度萌生退出国家队嘅念头。不过,美斯退出国家队嘅消息其后证实係「流料」,但佢为咗再一次向球迷证明自己喺阿根廷国家队嘅地位,今仗势必施展浑身解数踢番场好波,一众队友好似阿古路、迪马利亚等亦会尽量配合,务求令球队大胜一仗等球迷重拾信心。

6月赢过玻利维亚5球

玻利维亚喺美洲国家盃8强被淘汰出局,球队战斗力虽然唔算太差,只係遇上强队同失去主场之利就会大打折扣。玻利维亚今次点兵同美洲国家盃嘅阵容差唔多,阵中最具名气嘅係踢紧中超FC长春嘅前锋马些路摩连奴,此子虽然喺美洲国家盃入咗两球,但呢两球都係十二码,似乎唔能够证明佢有几多料,今仗面对阿根廷防线相信唔易入到波。阿根廷同玻利维亚今年6月曾经踢过友赛,当时阿根廷凭阿古路大演「帽子戏法」同迪马利亚梅开二度大胜5比0,今仗大有机会历史重演,让球主胜同大盘都值得支持。

足球比分 | 篮球比分 | 足球推荐 | 篮球推荐 | 足球资料库 | 亚盘王 | 篮盘王 | 比分应用 | 球探社区 | 体育标签
关于本站 | 广告合作 | 数据合作 | 法律顾问 | 网站地图   球探网版权所有 Copyright © 2002-2015
声明:本网资讯仅供体育爱好者浏览、购买中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何
关系。链接的广告不得违反国家法律规定,如有违者,本网有权随时予以删除,并保留与有关部门合作追究的权利。感谢创威数码提供带宽